Բայդենը հրաման է տվել խոցել իրանական հրթիռները
ԱՄՆ նախագահ Ջո Բայդենը հրամայել է ԱՄՆ զինվորականներին խոցել Իրանի կողմից Իսրայելի վրա հարձակվելու նպատակով արձակված հրթիռները: Այս մասին հայտարարել է Սպիտակ տունը:
ԱՄՆ նախագահ Ջո Բայդենը հրամայել է ամերիկացի զինվորականներին աջակցել Իսրայելին Իրանի հարձակումներից պաշտպանվելու հարցում, ասվում է Սպիտակ տան հայտարարության մեջ։ Բացի այդ, ամերիկացի առաջնորդը պարբերաբար հաղորդագրություններ է ստանում Իսրայելում իրավիճակի զարգացման մասին, փոխանցում է «ՌԻԱ Նովոստին»։
Եվ այնուամենայնիվ, Իրանի կողմից արձակված հրթիռների առնվազն 80%-ը խոցել է Իսրայելի թիրախները, հայտնում է Fars գործակալությունը՝ հղում անելով իր աղբյուրին։ Իսկ Իսլամական հեղափոխության պահապանների կորպուսը պնդում է, որ իրանական հրթիռների կողմից ոչնչացված օբյեկտների թվում են Միջերկրական ծովում գտնվող ռազմաբազան և գազային հարթակները։
Հիշեցնենք, որ Իրանն ավելի քան 500 բալիստիկ և թևավոր հրթիռ է արձակել Իսրայելի ուղղությամբ: Տեղական լրատվամիջոցները հաղորդում են զոհերի մասին:
