Թրամփի դեմ մահափորձ իրականացրած մեղադրյալը հայտարարություն է արել
Հանրապետական կուսակցությունից ԱՄՆ նախագահի թեկնածու Դոնալդ Թրամփի դեմ մահափորձի մեջ մեղադրվող ամերիկացի Ռայան Ուեսլի Ռաութը հրաժարվել է իրեն մեղավոր ճանաչել այս գործով դատարանում: Այդ մասին վկայում են երկուշաբթի հրապարակված դատական փաստաթղթերը:
Ըստ այդ տվյալների՝ Ռաութը հայտարարել է իր անմեղության մասին ԱՄՆ դաշնային իշխանությունների կողմից իրեն առաջադրված մեղադրանքների հինգ կետերով, ինչպես նաև պահանջել է անցկացնել երդվյալ ատենակալների դատավարություն:
