Իրանին փորձում են ներքաշել պատերազմի մեջ. Լավրով
Մի շարք պետություններ փորձում են Իրանին ներքաշել Մերձավոր Արևելքի հակամարտության մեջ՝ այնտեղ մեծ պատերազմ հրահրելու համար։ Այս մասին հայտարարել է ՌԴ ԱԳ նախարար Սերգեյ Լավրովը ՄԱԿ-ի Գլխավոր ասամբլեայի 79-րդ նստաշրջանի բարձր մակարդակի շաբաթվան մասնակցելուն հաջորդած մամուլի ասուլիսում։
«Մեծ ուշադրություն է դարձվել (նստաշրջանի ընթացքում կայացած հանդիպումներում), իհարկե, մերձավորարևելյան խնդիրներին, հակամարտության վերջին բռնկումներին ուղղակիորեն պաղեստինյան տարածքներում, Լիբանանում, Սիրիայում, ինչպես նաև իրաքյան տարածքում առկա խնդիրներին։ Քննարկվել է նաև իրավիճակը Իրանին ներգրավելու փորձերի հետ կապված՝ Մերձավոր Արևելքում մեծ պատերազմ հրահրելու նպատակով»,- ասել է նա։
