Բորելը հայտնել է, թե ովքեր փրկեցին Կևին հանձնվելուց
Ուկրաինան, առանց ԱՄՆ-ի և Եվրամիության օգնության, ստիպված կլիներ հանձնվել Ռուսաստանի հետ հակամարտությունում մի քանի շաբաթվա ընթացքում։ Նման կարծիք է հայտնել ԵՄ արտաքին հարաբերությունների և անվտանգության քաղաքականության գերագույն ներկայացուցիչ Ժոզեպ Բորելը` ելույթ ունենալով ԱՄՆ-ում արտաքին հարաբերությունների խորհրդի սեմինարի ժամանակ, որը հեռարձակվել է Եվրահանձնաժողովի մամուլի ծառայության կողմից:
«Առանց ձեզ և առանց մեզ, Ուկրաինան կհանձնվեր մի քանի շաբաթից»,- ասել է նա՝ հիշեցնելով, որ Կիևը կախված է Վաշինգտոնի և Բրյուսելի օգնությունից։
Բորելը ևս մեկ անգամ արտահայտել է իր կարծիքը Կիևի կողմից Ռուսաստանի տարածքի վրա հարձակումների համար զենքի օգտագործման սահմանափակումների վերացման անհրաժեշտության մասին։
«Մենք պետք է ավելի ու ավելի արագ օգնենք Ուկրաինային, մենք պետք է Ուկրաինային տնտեսական և ռազմավարական առավելություն տանք Ռուսաստանի նկատմամբ և թույլ տանք, որ նա ինքը որոշի, թե որն է ընդունելի, որը՝ ոչ»,- հավելել է նա։
