Մամուլից եմ տեղեկացել․ Պապոյանը՝ Միքայել Մինասյանի եղբոր դեմ գործընթացի մասին

ՀՀ էկոնոմիկայի նախարար Գևորգ Պապոյանը մամուլից է տեղեկացել ՀՀ արդարադատության նախարար Գրիգոր Մինասյանին պաշտոնանկ անելու համար ստորագրահավաք սկսելու մասին։ Այս մասին Պապոյանը հայտնեց կառավարության նիստից հետո լրագրողների հետ զրույցում։

Նախօրեին ՔՊ–ական որոշ պատգամավորներ ստորագրահավաք են սկսել Գրիգոր Մինասյանին պաշտոնանկ անելու դիմում Նիկոլ Փաշինյանին ներկայացնելու համար։Որպես պատճառ նշվում է նաև  Մինասյանի ՀՀ երրորդ նախագահ Սերժ Սարգսյանի փեսա` Միքայել Մինասյանի եղբայրը լինելը։ 

Այդուհանդերձ Պապոյանը դրական է գնահատում Գրիգոր Մինասյանի աշխատանքը․ «Ես լավ եմ գնահատում նրա աշխատանքը։ Դժգոհություններ չունեմ։ Քաղաքացիական պայմանագիր» կուսակցությունում արժեքների առումով կա խոսքի և կարծիքների ազատություն։ Մարդիկ ինձնից էլ կարող են գոհ կամ դժգոհ լինել»