Բայդենը Զելենսկու հետ կքննարկի՞ Ռուսաստանին հեռահար զենքով հարվածելու թեման
ԱՄՆ նախագահ Ջո Բայդենը մտադիր է Վլադիմիր Զելենսկու հետ քննարկել Ռուսաստանի խորքում հարվածների արգելքը վերացնելու հնարավորությունը, սեպտեմբերի 24-ին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
Բայդենը Զելենսկու հետ կքննարկի Ռուսաստանին հեռահար զենքով հարվածնելու թեման
Նրա խոսքով, այսօր ԱՄՆ-ը պահպանում է արգելքը ուկրաինական զինված ուժերի կողմից ամերիկյան հեռահար հրթիռներով ռուսական տարածքի խորքում հարվածների վրա։ Բայդենը չի փոխել իր միտքը, հավելել է Քիրբին։
«Մեր քաղաքականությունը հեռահար հարվածների հետ կապված այն է, որ ԱՄՆ-ի տրամադրած զենքերը չպետք է օգտագործվեն Ռուսաստանի թիրախների դեմ»,- պարզաբանել է նա։
Հիշեցնենք, որ սեպտեմբերի 22-ին Բայդենը բացասաբար է պատասխանել այն հարցին, թե արդյոք որոշում է կայացրել վերացնել Ուկրաինայի կողմից արևմտյան զենքի օգտագործման սահմանափակումները Ռուսաստանի տարածքի խորքերին հարվածելու համար։
