«Մենք նման «գագաթնաժողովներին» չենք մասնակցի». Զախարովա

Ռուսաստանը չի մասնակցի խաղաղության երկրորդ գագաթնաժողովին, որը Ուկրաինայի նախագահ Վլադիմիր Զելենսկին նախատեսում է անցկացնել աշնանը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Ըստ նրա, այս գագաթնաժողովը «ոչ մի ընդհանուր բան չունի կարգավորման հետ», և դրա նպատակն է «առաջ բերել Զելենսկու բացարձակապես ոչ կենսունակ բանաձևը»՝ որպես հակամարտության լուծման այլընտրանքային հիմք, հասնել դրա աջակցությանը համաշխարհային մեծամասնության կողմից և նրա անունից Ռուսաստանին ներկայացնել վերջնագիր կապիտուլյացիայի մասին»:

«Մենք նման «գագաթնաժողովներին» չենք մասնակցի», — ասել Է Զախարովան:

Միևնույն ժամանակ, նա հավելել է, որ Մոսկվան չի հրաժարվում հակամարտությունը քաղաքական-դիվանագիտական ճանապարհով կարգավորելուց և պատրաստ է քննարկել «իսկապես լուրջ առաջարկներ»՝ հաշվի առնելով իրավիճակը, աշխարհաքաղաքական իրողությունները և նախագահ Վլադիմիր Պուտինի առաջարկները: