Մենք պատրաստ ենք դրան․ Էրդողան
Թուրքիայի նախագահ Ռեջեփ Թայիփ Էրդողանը պատրաստակամություն է հայտնել հանդիպել Սիրիայի իր պաշտոնակից Բաշար Ասադի հետ: Այս մասին նա հայտնել է ԱՄՆ-ում ՄԱԿ-ի Գլխավոր վեհաժողով մեկնելուց առաջ կայացած մամուլի ասուլիսի ժամանակ:
«Մենք արդեն հայտարարել ենք Բաշար Ասադի հետ հանդիպելու ցանկության մասին՝ Թուրքիայի և Սիրիայի հարաբերությունները կարգավորելու համար։ Ակնկալում ենք պատասխան սիրիական կողմից։ Մենք պատրաստ ենք դրան։ Հավատում եմ, որ նոր փուլը կսկսվի այդ հանդիպումից», - ասել է պետության ղեկավարը։
Նրա կարծիքով՝ եկել է Սիրիայում լարված իրավիճակին վերջ տալու ժամանակը։
«Մենք տեսնում ենք, որ Սիրիայի ղեկավարությունը որոշ ժամանակ ընդդիմության հետ առճակատման չի գնում, դա ցույց է տալիս, որ քայլեր են ձեռնարկվել հանուն կայուն խաղաղության», — նշել Է Էրդողանը:
Վերջին շրջանում ԶԼՄ-ներում տեղեկություններ են հայտնվում Թուրքիայի և Սիրիայի նախագահների հնարավոր հանդիպման մասին:
