Քամալա Հարիսը և Դոնալդ Թրամփը Վաշինգտոնում կհանդիպեն Վլադիմիր Զելենսկու հետ

ԱՄՆ փոխնախագահ Քամալա Հարիսը և ԱՄՆ նախկին նախագահ Դոնալդ Թրամփը ծրագրում են հաջորդ շաբաթ Վաշինգտոնում հանդիպել Ուկրաինայի առաջնորդ Վլադիմիր Զելենսկու հետ։ Այս մասին հայտնում է CNN-ը՝ իրազեկ աղբյուրներին հղումով։

«Ակնկալվում է, որ փոխնախագահ Քամալա Հարիսը հաջորդ շաբաթ Վաշինգտոնում կհանդիպի Ուկրաինայի նախագահ Վլադիմիր Զելենսկու հետ»,- ասվում է հաղորդագրության մեջ։

Հեռուստաալիքի աղբյուրների փոխանցմամբ՝ Զելենսկին ԱՄՆ այցի ընթացքում պնդելու է Ուկրաինայի՝ ՆԱՏՕ-ին և ԵՄ-ին անդամակցելուն, տնտեսական և անվտանգության համաձայնագրերին և Կիևին հավելյալ զենքի շարունակական մատակարարմանը։

Բացի այդ, նախատեսվում է, որ ուկրաինացի առաջնորդը հակամարտության կարգավորման իր ծրագիրը կներկայացնի ԱՄՆ ներկայիս նախագահ Ջո Բայդենին ՄԱԿ-ի Գլխավոր ասամբլեայի շրջանակներում կայանալիք հանդիպման ժամանակ։