Լեհաստանի ԱԳՆ ղեկավարն առաջարկել է Ղրիմը հանձնել ՄԱԿ-ի վերահսկողությանը
Լեհաստանի ԱԳՆ ղեկավարն առաջարկել է Ղրիմը հանձնել ՄԱԿ-ի վերահսկողությանը: Ռադոսլավ Սիկորսկին նման նախաձեռնությամբ հանդես է եկել Կիևում ուկրաինացի և եվրոպացի քաղաքական գործիչների մասնակցությամբ «Յալթայի միջազգային ռազմավարություն» համաժողովում, նշում է «Strana» հրատարակությունը։ Նա ասել է, որ չի տեսնում ռուս-ուկրաինական հակամարտության լուծում առանց Ղրիմի «ապառազմականացման»։
«Մենք կարող ենք այն (Ղրիմը) դնել ՄԱԿ-ի մանդատի տակ՝ արդար հանրաքվե նախապատրաստելու առաքելությամբ՝ ստուգելուց հետո, թե ովքեր են օրինական բնակիչները։ … Եվ մենք կկարողանայինք այն հետաձգել 20 տարով»,- ասում է Սիկորսկին:
Ուկրաինայի նախագահի գրասենյակի ղեկավար Անդրեյ Երմակը թելեգրամյան ալիքում ասել է, որ «Ղրիմը Ուկրաինա է», իսկ Ռուսաստանը «խախտել է միջազգային իրավունքը և պետք է պատասխանատվություն կրի դրա համար»։
