Երկրի վրա հզոր մագնիսական փոթորիկ է սկսվել
Երկրի վրա գրեթե առավելագույն մակարդակի ուժեղ մագնիսական փոթորիկ է սկսվել այն բանից հետո, երբ Արևը վերջերս արտանետել է պլազմային ամպը։ Այս մասին հայտնել են Ռուսաստանի գիտությունների ակադեմիայի տիեզերական հետազոտությունների ինստիտուտի (ici) Արեգակնային աստղագիտության լաբորատորիայում:
Արեգակնային պլազմային ամպի ծայրամասային շրջաններում 10 ժամ մնալուց հետո մոլորակն, այնուամենայնիվ, բռնվել է արտանետման միջուկով։ Շրջակա տիեզերական գազի պարամետրերի թռիչքը գրանցվել է Երևանի ժամանակով մոտավորապես 02:30 -ին, իսկ առավոտյան ժամը 5:30-ի սահմաններում տեղի են ունեցել առավել ուժեղ փոփոխություններ:
Լաբորատորիայի տվյալներով՝ այդ պահը ցամաքային մագնիսաչափերը գրանցել են որպես 3.66 մակարդակի մագնիսական փոթորկի սկիզբ (հինգ բալանոց սանդղակով գրեթե չորս բալ):
Այս պահին իրադարձությունը դեռ շարունակվում է, թեև այն երկարատև չպետք է լինի։ Այնուամենայնիվ, պլազմայի հիմնական զանգվածներն արդեն անցել են մոլորակի կողքով։
Նշվում է, որ դեռ Արևմտյան կիսագնդում նկատվում են շատ ուժեղ բևեռափայլեր, դրանց տակ է գտնվում Կանադայի ամբողջ տարածքը՝ ընդհուպ մինչև հարավային սահմանը, ինչպես նաև ԱՄՆ հյուսիսային նահանգները:
