«Տեսնում ենք, թե որքան լարված է այնտեղ իրավիճակը». Պեսկով
Ռուսաստանն ուշադիր հետևում է ԱՄՆ-ում լարված իրավիճակին, սակայն չի միջամտում դրան, ինչպես միշտ է արել։ Այս մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Հանրապետական կուսակցությունից ԱՄՆ նախագահի թեկնածու Դոնալդ Թրամփի դեմ նոր մահափորձը։
«Դա այնքան էլ մեր գործը չէ», - ասել է Կրեմլի ներկայացուցիչը և հավելել.
«Մենք, իհարկե, ուշադիր հետևում ենք այն տեղեկատվությանը, որը գալիս է ԱՄՆ-ից։ Տեսնում ենք, թե որքան լարված է այնտեղ իրավիճակը, այդ թվում ՝ քաղաքական մրցակիցների միջև»։
Հիշեցնենք` ավելի վաղ հայտնել էինք որ ԱՄՆ նախագահի թեկնածու Դոնալդ Թրամփի դեմ հերթական մահափորձն է իրականացվել:
