ԱՄՆ-ի գործողություններն անպատասխան չեն մնա. Զախարովա
Ռուսական ԶԼՄ-ների նկատմամբ ԱՄՆ-ի գործողությունների վերաբերյալ միջազգային կառույցների լռությունը հաստատում է նրանց մեղսակցությունը Վաշինգտոնի քաղաքականությանը, Մոսկվան կպատասխանի դրան, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Նրա մեկնաբանությունը մեջբերում է գերատեսչության մամուլի ծառայությունը։
«Ամերիկյան վարչակազմի գործողություններն անպատասխան չեն մնա», — ասվում է Զախարովայի հայտարարության մեջ: Ռուսական ԶԼՄ-ների դեմ պատժամիջոցները նա անվանել է «կամայականություն» և «իր մասշտաբներով աննախադեպ բռնաճնշումներ»:
ԱԳՆ ներկայացուցիչն ընդգծել է, որ ամերիկյան իշխող վերնախավը մանիպուլացնում է հասարակական կարծիքը և պաշտպանում տեղի բնակչությանը իրեն անհարմար տեղեկատվությունից:
Զախարովայի խոսքով՝ ռուսական ԶԼՄ-ների ժողովրդականությունը շատ երկրներում աճում է, մինչդեռ Արևմտյան ԶԼՄ-ները աշխարհում տեղի ունեցածի մասին տեղեկատվությունը «կեղծ» և «միակողմանի» են մատուցում, և ԱՄՆ-ում չեն կարողանում համակերպվել դրա հետ:
