Կիմ Չեն Ինը մտադիր է ավելացնել միջուկային զենքի համար նյութերի արտադրությունը
Հյուսիսային Կորեայի առաջնորդ Կիմ Չեն Ինն այցելել է Միջուկային զենքի ինստիտուտ և ատոմային զենքի համար միջուկային նյութերի արտադրության բազա, հայտնում է Voice of Korea ռադիոն։
Նշվում է, որ Կիմ Չեն Ինը ծանոթացել է միջուկային մարտագլխիկների ու միջուկային նյութի արտադրությանը։ Նա նաև նախանշել է «կարևոր խնդիրները միջուկային զենքի համար միջուկային նյութի արտադրության ավելացման երկարաժամկետ ծրագրում»։
Իր հերթին, հարավկորեական Yonhap լրատվական գործակալությունը, հղում անելով Կորեայի կենտրոնական լրատվական գործակալությանը, հայտնում է, որ այցի ընթացքում Հյուսիսային Կորեայի առաջնորդն ընդգծել է «ցենտրիֆուգների քանակի հետագա ավելացման անհրաժեշտությունը՝ ինքնապաշտպանության համար միջուկային զենքերը էքսպոնենցիալ մեծացնելու նպատակով՝ միջուկային զինված ուժերի ստեղծման կուսակցական գծի համաձայն»:
