Ջեյհուն Բայրամովը հանդիպել է հայ–թուրքական հարաբերությունների կարգավորման հարցով Թուրքիայի հատուկ ներկայացուցչին
Սեպտեմբերի 13-ին Ադրբեջանի Հանրապետության արտաքին գործերի նախարար Ջեյհուն Բայրամովն ընդունել է հայ-թուրքական հարաբերությունների կարգավորման գործընթացի՝ Թուրքիայի հատուկ ներկայացուցիչ, դեսպան Սերդար Քըլըչին:
Ինչպես գրում են ադրբեջանական ԶԼՄ–ները, հղում տալով այդ երկրի ԱԳՆ հաղորդագրությանը, Քըլըչի և Բայրամովի հանդիպման ընթացքում քննարկվել են հայ–ադրբեջանական հարաբերությունների կարգավորման, տարածաշրջանում տիրող իրավիճակի, հայ-թուրքական հարաբերությունների կարգավորման գործընթացի, ինչպես նաև տարածաշրջանային և միջազգային անվտանգության հարցեր:
