ԱՄՆ–ն, Մեծ Բրիտանիան և Կանադան «դիվանագիտական ​​արշավ» են սկսում RT-ի դեմ. Բլինքեն

ԱՄՆ պետքարտուղար Էնթոնի Բլինքենը RT–ին մեղադրել է այլ երկրների գործերին միջամտելու և «ռազմական գնումների» ենթադրյալ «գաղտնի գործողություններին» մասնակցելու մեջ։ Այս մասին գրում է РИА Новости–ն:

ԱՄՆ պետքարտուղարը հայտարարել է, որ RT-ի աշխատակիցները տարբեր տեսակի օգնություն են ցուցաբերում հետախուզական ծառայություններին եւ կապեր ունեն նրանց հետ։ Բլինքենը «յուրաքանչյուր դաշնակցի և գործընկերոջ» կոչ է արել սահմանափակել ռուսական լրատվամիջոցների գործունեությունը։

Նրա խոսքով, Միացյալ Նահանգները, Մեծ Բրիտանիան և Կանադան «դիվանագիտական ​​արշավ» են սկսում RT-ի դեմ և կոչ են անում լրատվամիջոցի գործողությունները դիտարկել որպես հետախուզություն։