Ո՞ր դեպքում Թուրքիան դուրս կգա ՆԱՏՕ-ից. փորձագետը մանրամասնում է
Թուրքիան կարող է դուրս գալ ՆԱՏՕ-ից միայն դաշինքի անարդյունավետ դառնալուց հետո։ Lenta.ru-ի հետ զրույցում նման կարծիք է հայտնել քաղաքական վերլուծության և սոցիալ-հոգեբանական գործընթացների ամբիոնի դոցենտ Ալեքսանդր Փերենջիևը։
«Իսկապես, այժմ որոշակի հակասություն է ստեղծվել այն հարցում, որ Թուրքիան խնդրում է միանալ ԲՐԻԿՍ-ին՝ միաժամանակ մնալով ՆԱՏՕ-ի անդամ»,- ասաց փորձագետը։
Քաղաքագետի խոսքով՝ չնայած ԲՐԻԿՍ-ը ռազմական կազմակերպություն չէ, սակայն դաշինքին Թուրքիայի անդամակցությունը անհանգստացնում է ՆԱՏՕ-ի ներկայիս որոշ անդամների։
Փորձագետի կարծիքով, Թուրքիան դեռ կարող է որոշել դուրս գալ դաշինքից, բայց միայն այն դեպքում, եթե ՆԱՏՕ-ն դառնա նվազ կարողությամբ կազմակերպություն։ Միևնույն ժամանակ Թուրքիային դուրս հանել ՆԱՏՕ-ի կազմից չի կարող լինել, քանի որ նման նախադեպ չի եղել՝ գտնում է փորձագետը։
