Կարելի է միայն պատկերացնել, թե ինչ կլինի, եթե մենք հայելային պատասխան տանք․ Պուտին
Ռուսաստանի նախագահ Վլադիմիր Պուտինն առաջարկել է մտածել Զապորոժիեի և Կուրսկի ԱԷԿ-ների վրա Ուկրաինայի հարձակումներին երկրի հնարավոր հայելային պատասխանի մասին: Նա այդ թեմայով խոսել է Արեւելյան տնտեսական ֆորումի ժամանակ՝ Ուկրաինայի զինված ուժերի գործողություններն անվանելով «շատ վտանգավոր ահաբեկչություններ»:
«Կարելի է միայն պատկերացնել, թե ինչ կլինի, եթե մենք հայելային պատասխան տանք։ Ինչ կլինի ամբողջ Եվրոպայի հետ», - նշել է Ռուսաստանի ղեկավարը։
Ելույթի ժամանակ նա նաև կոչ է արել ռուսական զորքերին «դուրս շպրտել հակառակորդին» Կուրսկի մարզի սահմանամերձ տարածքներից, իսկ մեկնաբանելով Ուկրաինայի զինված ուժերի մեծ կորուստները՝ Ուկրաինայի իշխանություններին համեմատել է այլմոլորակայինների և օտարերկրացիների հետ, քանի որ նրանք չեն մտածում իրենց ժողովրդի մասին։
Պուտինի խոսքով՝ հակառակորդը Կուրսկի շրջանի վրա հարձակմամբ փորձել է շեղել Ռուսաստանին Դոնբասում հարձակումից, Սակայն նրա մոտ ոչինչ չի ստացվել:
«Հակառակորդի նպատակն էր մեզ նյարդայնացնել, իրարանցել, զորքեր տեղափոխել մի տարածքից մյուսը և դադարեցնել մեր հարձակումը առանցքային ուղղություններով, առաջին հերթին Դոնբասում՝ ազատագրումը, որը մեր առաջնային նպատակն է։ Աշխատե՞լ է, թե՞ ոչ։ Ոչ, թշնամին ձախողեց»,- ասել է պետության ղեկավարը։
Պուտինի խոսքով՝ Ռուսաստանի Զինված ուժերը «կայունացրել են իրավիճակը և սկսել են աստիճանաբար դուրս մղել հակառակորդին սահմանամերձ տարածքներից»:
Երկրի ղեկավարը նաև նշել է, որ «հակառակորդը շատ մեծ կորուստներ է կրում ՝ և կենդանի ուժի, և տեխնիկայի առումով»:
