ՏԵՍԱՆՅՈՒԹ․ Պուտինը ժամանեց Մոնղոլիա, որտեղ, ըստ ՄՔԴ-ի, նրան պետք է ձերբակալեն
ՌԴ նախագահ Վլադիմիր Պուտինը պաշտոնական այցով ժամանել է Մոնղոլիա։
Մոնղոլիան այն երկիրն է, որը վավերացրել է Հռոմեական կանոնադրությունը, հետևաբար պետք է ձերբակալի Պուտինին Միջազգային քրեական դատարանի հրամանով։
Ավելի վաղ Human Rights Watch-ը Մոնղոլիայի իշխանություններին կոչ էր արել մերժել ՌԴ նախագահ Վլադիմիր Պուտինի մուտքը երկիր կամ ձերբակալել նրան։
Ռուսաստանի նախագահ Վլադիմիր Պուտինը հետախուզվում է Միջազգային քրեական դատարանի կողմից, որին Ուլան Բատորն անդամակցում է 2003 թվականից։ Հաագայի դատարանը Կրեմլի ղեկավարին մեղադրում է Ուկրաինայի տարածքներից Ռուսաստան երեխաների ապօրինի արտաքսման և ապօրինի տեղափոխման մեջ։
«Մոնղոլիան կխախտի իր միջազգային պարտավորությունները՝ որպես ՄՔԴ անդամ, եթե թույլ տա 
Անցյալ տարվա մարտին՝ ձերբակալության օրդերից ի վեր, սա Պուտինի առաջին ուղևորությունն է Հռոմի ստատուտը վավերացրած երկիր։ Bloomberg-ի տեղեկություններով՝ Ուլան Բատորը ՌԴ նախագահին հավաստիացրել է, որ խոչընդոտներ չի ստեղծի։
