Բոլոր նրանց, ովքեր լռում են, ամոթ է սպասվում․ Թուրքիայի ԱԳՆ
Թուրքիայի արտգործնախարար Հաքան Ֆիդանը միջազգային հանրությանը կոչ է արել կանգնեցնել Իսրայելին, որն իր խոսքով՝ ձգտում է Գազայի հակամարտությունը տարածել այլ շրջաններում, այդ թվում՝ Հորդանան գետի արևմտյան ափին:
«Իսրայելը Արևմտյան ափ է տեղափոխել Գազայի հատվածում իրականացվող սիստեմատիկ դաժանությունը։ Իսրայելը օկուպացնում, ճնշում և զանգվածային սպանություններ է իրականացնում տարածաշրջանում»,-ասել է նա։
Նախարար Ֆիդանը միջազգային հանրությանը կոչ է արել դադարեցնել Իսրայելի հանցագործությունները պաղեստինյան տարածքներում:
«Բոլոր նրանց, ովքեր լռում են, ամոթ է սպասվում: Իսրայելի բարբարոսությանը պետք է վերջ դրվի։ Կայուն խաղաղության միակ ճանապարհը անկախ, ինքնիշխան պաղեստինյան պետության ստեղծումն է», - հայտարարել է Թուրքիայի ԱԳՆ ղեկավարը։
