Որ դեպքում էսկալացիայի վտանգը կմեծանա․ Հունգարիայի ԱԳՆ-ն հայտնել է
Հունգարիայի արտաքին գործերի նախարար Պետեր Սիյարտոն հանդես է եկել Ուկրաինայի Զինված ուժերի կողմից հեռահար զենքով Ռուսաստանին հարվածելու և հակամարտության հետագա սրման դեմ:
«Մենք դա չենք ուզում», - գրել է Սիյարտոն Facebook-ում:
ԱԳ նախարարը կոչ է արել որքան հնարավոր է շուտ դադարեցնել «այդ խենթությունը» և հրաժարվել Ուկրաինային սպառազինության նոր մատակարարումներից:
«Եթե հակամարտության գոտի ավելի շատ զենք մտնի, եթե Ռուսաստանի տարածքին հեռահար զենքով հարվածներ հասցվեն, ապա էսկալացիայի վտանգը միայն կմեծանա», - հավելել Է հունգարացի նախարարը:
Նա հայտարարել է, որ այսօր Բրյուսելում ԵՄ երկրների ԱԳ նախարարների ոչ պաշտոնական հանդիպման ժամանակ պաշտպանելու է Հունգարիայի վարչապետ Վիկտոր Օրբանի սկսած խաղաղապահ գիծը:
