Արդեն կարելի է թանգարանների տոմսերը գնել առցանց. հայտնի է, թե որ կայքի միջոցով

Գործարկվել է թանգարանների էլեկտրոնային տոմսերի միասնական ավտոմատացված համակարգը։

ՀՀ անկախության օրը՝ սեպտեմբերի 21-ին, Հայաստանի պատմության թանգարանում բացվող «Մայր աստվածություն. Անահիտից Մարիամ» խորագրով ժամանակավոր ցուցադրության տոմսերի վաճառքն արդեն մեկնարկել է․ առաջին անգամ museumsarmenia.am կայքի միջոցով կարելի է առցանց գնել թանգարանի տոմս։

Հարթակում ներկայացված է նաև ամբողջական տեղեկատվություն ԿԳՄՍՆ ենթակայությամբ գործող թանգարանների, արգելոց-թանգարանների ծրագրերի, ցուցադրությունների և ընթացիկ միջոցառումների մասին: