ՏԵՍԱՆՅՈՒԹ. Ֆրանսիայում ավիաշոուի ժամանակ կործանվել է Fouga Magister կոլեկցիոն ինքնաթիռը
Ֆրանսիայի Լե Լավանդու կոմուննայում ավիաշոուի ժամանակ վթարի է ենթարկվել Fouga Magister կոլեկցիոն ինքնաթիռը։ Այս մասին գրում է Le Figaro-ն։
«Պարեկային ինքնաթիռների ավիաշոուի ժամանակ մասնավոր կոլեկցիոն Fouga Magister ինքնաթիռը, որն օգտագործվում էր Ֆրանսիայի ռազմաօդային ուժերի կողմից 1964-1980 թվականներին, ընկել է ծովը Լե Լավանդուի ափերի մոտ՝ Վար դեպարտամենտում»,- ասվում է հրատարակության մեջ։
Ինքնաթիռի կործանման մասին տեղեկությունը հաստատել են քաղաքային իշխանությունները։
Օդաչուի ճակատագիրն անհայտ է: Հստակեցվում է, որ ավիաշոուն դադարեցվել է։
