Ուկրաինայի էներգետիկայի փոխնախարարը ձերբակալվել է 0,5 մլն դոլար կաշառքի համար
Ուկրաինայի անվտանգության ծառայությունը էներգետիկայի նախարարի աջակցությամբ բացահայտել է նրա տեղակալի կողմից կազմակերպված լայնածավալ կոռուպցիոն սխեման։ Կիևում կես միլիոն դոլար կաշառքի գործով ձերբակալվել է էներգետիկայի նախարարի տեղակալը։
«Ուկրաինսկա պրավդա»-ի աղբյուրների համաձայն՝ խոսքը Ալեքսանդր Խեյլոյի մասին է։ Հետաքննության տվյալներով՝ այս գումարի դիմաց պաշտոնյան, օգտագործելով իր լիազորությունները, Լվով-Վոլին ածխային ավազանի պետական ձեռնարկությունների ղեկավարներին խոստացել է Դոնեցկի մարզի ճակատային շրջանի հանքերից ազատորեն օգտագործելու հանքարդյունաբերական սարքավորումները։
