Մեդվեդևը սպառնացել է, որ ռուսական նորագույն տանկերը կհայտնվեն Բեռլինի կենտրոնում
ՌԴ Անվտանգության խորհրդի փոխնախագահ Դմիտրի Մեդվեդևը Ռուսաստանի տարածքում գերմանական ռազմական տեխնիկայի օգտագործման մասին Bild պարբերականի հոդվածից հետո սպառնացել է անել հնարավոր ամեն ինչ, որպեսզի ռուսական նորագույն տանկերը հայտնվեն Բեռլինի կենտրոնում գտնվող Ռայխստագի դիմացի հրապարակում:
«Գերմանական Bild պարբերականը ռևանշիստական հոդված է հրապարակել, որում հպարտությամբ հայտարարել է գերմանական տանկերը ռուսական հող վերադարձնելու մասին: Ի պատասխան ՝ մենք կանենք ամեն ինչ, որպեսզի նորագույն ռուսական տանկերը հայտնվեն Հանրապետության հրապարակում (Բեռլինի հրապարակ Ռայխստագի դիմաց - խմբ.)», - գրել Է Մեդվեդեւը X սոցցանցի անգլալեզու օգտահաշվում։
