Իսրայելը մտավախություն ունի․WP

Իսրայելի իշխանությունները մտավախություն են հայտնում, որ ԱՄՆ-ի հետ համագործակցող արաբական երկրները չեն մասնակցի հրեական պետության վրա Իրանի հնարավոր հարձակումը հետ մղելուն։ Այս մասին հայտնում է The Washington Post-ը։

Ինչպես հիշեցնում է հրատարակությունը, ապրիլի 13-ին Հորդանանը, Սաուդյան Արաբիան և ԱՄԷ-ն մասնակցել են հրթիռների և անօդաչու թռչող սարքերի միջոցով Իսրայելի վրա իրանական հարձակման հաջող հետ մղմանը։ Չնայած դրան, Հորդանանն ու Սաուդյան Արաբիան այժմ հայտարարել են, որ «չեն ցանկանում, որ իրենց օդային տարածքը վերածվի պատերազմի գոտու», իսկ Եգիպտոսը հրաժարվել է մասնակցել Իսրայելի վրա «իրանական հարձակումը հետ մղելուն», գրում է թերթը։

Լրատվամիջոցի հետ զրույցում Իսրայելի անանուն ազդեցիկ քաղաքական գործիչը արաբական երկրների նման հրապարակային հայտարարությունները որակել է որպես «շատ տագնապալի»: Պաշտոնյայի խոսքով՝ իրենց և Իսրայելի հարաբերությունները շատ փխրուն են։ Նա նշել է, որ ստեղծված իրավիճակում, բախվելով լայնամասշտաբ պատերազմի հեռանկարին, «Իսրայելը գործում է բոլորովին միայնակ»։