Իրանի հետшխուզական ծառայությունները սոցիալական ցանցերում հավաքագրում են իսրայելցիներին․ JPost
Իրանի հետախուզության աշխատակիցները սոցիալական ցանցերում հավաքագրում են Իսրայելի քաղաքացիներին այնպիսի առաջադրանքներ կատարելու համար, որոնք կարող են վնասել հրեական պետության անվտանգությանը: Այդպիսի հայտարարություն է արել The Jerusalem Post թերթը՝ հղում անելով Իսրայելի անվտանգության գլխավոր ծառայությանը (ԻԱԳԾ),փոխանցում է ՏԱՍՍ-ը։
Նրա խոսքով, իսրայելական հակահետախուզությունը հայտնաբերել է բազմաթիվ կեղծ հաշիվներ, որոնք նույնականացվել են, ապա վերահսկվել: Բացի այդ, Telegram մեսենջերում խմբերում և ալիքներում հայտնաբերվել են գրառումներ, որոնք առաջարկում են «հետաքրքիր և գայթակղիչ» աշխատանք՝ խոստանալով բարձր վարձատրություն դրա իրականացման համար: Պարբերականի տվյալներով՝ նման հաղորդագրություններ ստացած իսրայելցիների մի զգալի մասը ձեռնպահ են մնացել պատասխանելուց և այդ մասին հայտնել իրավասու մարմիններին։
Նշվում է, որ «ԻԱԳԾ»-ն հայտնել է, որ անվտանգության այլ գործակալությունների հետ միասին «կշարունակի բացահայտել իրանական գործունեությունը Իսրայելում՝ ներառյալ ազգային համախմբվածությունը խաթարելուն, բարոյալքմանը և հասարակության մեջ պառակտումը խորացնելուն ուղղված գործողություններ իրականացնելու փորձերը»:
