Տնտեսություն

ՌԴ–ն չի արգելել ՀՀ–ից արտահանումը․ նախարար

ՌԴ–ն չի արգելել ՀՀ–ից արտահանումը․ նախարար
ՀՀ սննդամթերքի անվտանգության տեսչական մարմինը պետք է աշխատի, որպեսզի թույլ չտա սանիտարական նորմերի խախտումներով սննդամթերք արտահանել Ռուսաստան։ Այս մասին կառավարության նիստից հետո լրագրողներին ասել է…

ՀՀ սննդամթերքի անվտանգության տեսչական մարմինը պետք է աշխատի, որպեսզի թույլ չտա սանիտարական նորմերի խախտումներով սննդամթերք արտահանել Ռուսաստան։ Այս մասին կառավարության նիստից հետո լրագրողներին ասել է էկոնոմիկայի նախարար Գևորգ Պապոյանը` անդրադառնալով հարցին` արդյոք Ռուսաստանն արգելք է սահմանել իր երկիր միրգ–բանջարեղեն տեղափոխելու համար։


«Նման բան չկա։ Որոշ ընկերությունների դեպքում խնդիրներ էին հայտնաբերվել, և այդ ընկերություններին թույլ չեն տվել, բայց դա չի նշանակում, որ Հայաստանին են արգելել։ 100–ավոր ընկերություններ կան, որոնք արտահանում են, գործընթացը շարունակվում է, և ցավոք կան ընկերություններ էլ, որ նման խնդիրների առաջ են կանգնել»,– նշել է Պապոյանը։


Նա ասել է, որ ՍԱՏՄ–ն պետք է ավելի ակտիվ աշխատի, որպեսզի նման խնդիրներ կամ այդ խնդիրների կրկնություններ այլևս չլինեն։


Հիշեցնենք՝ ավելի վաղ «Ռոսսելխոզնադզորը» հայտնել էր հայկական 16 ընկերության արտադրանքներում բուսասանիտարական խախտումների մասին և առաջարկել էր Հայաստանի սննդամթերքի տեսչական մարմնին ժամանակավորապես դադարեցնել դրանց մատակարարումները Ռուսաստան մինչև հետաքննության ավարտը: Այդ խախտումների վերացման շուրջ բանակցություններ էին սկսել Հայաստանի սննդի տեսչության ղեկավար Արմեն Հայրապետյանը և «Ռոսսելխոզնադզորի» ղեկավար Սերգեյ Դանկվերտը:

Թեմաներ:

Տնտեսություն

Գնահատեք հոդվածը:

Դեռ գնահատական չկա

Կիսվել ընկերների հետ:

Նմանատիպ հոդվածներ

Ավելին Տնտեսություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7730) Միջազգային (3446) ԱՄՆ (2316) Ռուսաստան (2153) Իրան (1754) Ընտրություններ (1275) Ուկրաինա (844) Երևան (811) Իսրայել (761) Ադրբեջան (646) Փաշինյան (569) Եվրոպա (515) Ազգային ժողով (459) Ընդդիմություն (454) Թրամփ (437)

Radio Aurora

Լսել Radio Aurora

Գովազդային տարածք

300x250