Մագնիսական փոթորիկը հնարավոր է սկսվի օգոստոսի 10-ի գիշերը
Օգոստոսի 9–ի երեկոյան կարող է սկսվել միջին ուժգնության մագնիսական փոթորիկ, որը կարող է ձգվել գրեթե ամբողջ շաբաթ օրը, հաղորդում է ՌԻԱ Նովոստին՝ վկայակոչելով Ռուսաստանի գիտությունների ակադեմիայի տիեզերական հետազոտությունների ինստիտուտի արևային աստղագիտության լաբորատորիայի կայքում ներկայացված ժամանակացույցը:
Երկրի մագնիսոլորտը հանգիստ կլինի գրեթե ամբողջ ուրբաթ օրը, սակայն մոտավորապես ժամը 15.00-ից մինչև 18.00-ն (Մոսկվայի ժամանակով) կսկսվեն փոթորկումները: Դրանից հետո կառաջանա թույլ՝ G1 մակարդակի մագնիսական փոթորիկ, որը կարող է բարձրանալ միջին՝ G2 մակարդակի:
Նման վիճակում Երկրի մագնիսոլորտը կգտնվի մինչև օգոստոսի 10-ի ժամը 15: 00-ն (Մոսկվայի ժամանակով), ինչից հետո փոթորիկը կավարտվի:
