Կալիֆոռնիայում տեղի է ունեցել 5,2 մագնիտուդով նոր երկրաշարժ
Եվս մեկ երկրաշարժ՝ 5,2 մագնիտուդով, գրանցվել է Լոս Անջելեսից ոչ հեռու (Կալիֆոռնիայի նահանգ)։ Այս մասին տեղեկացրել է ԱՄՆ Երկրաբանական ծառայությունը։
Նրա տվյալներով՝ էպիկենտրոնը գտնվել է Բեյքերսֆիլդ քաղաքից 28 կիլոմետր հարավ, որտեղ ապրում է 373 հազար մարդ, եւ Արվին քաղաքից 26 կիլոմետր հյուսիս-արեւմուտք, որն ունի 20,8 հազար բնակիչ։ Օջախը գտնվել է մոտ 12 կիլոմետր խորությունում:
Տուժածների եւ ավերածությունների մասին տեղեկություններ չեն ստացվել։
Ավելի վաղ տեղեկացվել էր 4,5 մագնիտուդով երկրաշարժի մասին, որի էպիկենտրոնը գտնվել է Բեյքերսֆիլդ քաղաքից 31 կիլոմետր հարավ։ Օջախը գտնվել է 10 կիլոմետր խորությունում։
