Իսրայելի օլիմպիական թիմի որոշ մարզիկները մրցումների ընթացքում սպառնալիքներ են ստացել․ Յաել Արադ

Իսրայելի օլիմպիական թիմը պնդում է՝ որոշ մարզիկներ Փարիզում մրցումների ընթացքում սպառնալիքներ են ստացել՝ Գազայի պատերազմում պաղեստինցի զոհերի, տարածաշրջանում հակամարտության ընդլայնման մտավախությունների ֆոնին։

AP-ի հետ զրույցում Իսրայելի ազգային օլիմպիական կոմիտեի նախագահ Յաել Արադը հայտարարել է, որ թիմի անդամները սպառնալիքներ են ստանում, որոնց նպատակը մարզիկներին «հոգեբանական տեռորի» ենթարկելն է։ 

Հաղորդվում է, որ անցյալ շաբաթ Փարիզի դատախազները հետաքննություն են սկսել իսրայելցի մարզիկներին էլեկտրոնային փոստով ուղարկված մահվան սպառնալիքների գործով, իսկ կիբերհանցագործությունների դեմ պայքարի ազգային գործակալությունը հետաքննում է որոշ իսրայելցի մարզիկների առցանց տվյալների արտահոսքը։