Իրանը կստիպի «օկուպանտ ահաբեկիչներին» զղջալ իրենց արարքի համար. Փեզեշքիան
Իրանի նախագահ Մասուդ Փեզեշքիանը Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանությունից հետո հայտարարել է, որ երկիրը կպաշտպանի իր ինքնիշխանությունն ու կստիպի «օկուպանտ ահաբեկիչներին» զղջալ իրենց արարքի համար։
«Իրանի Իսլամական Հանրապետությունը կպաշտպանի իր տարածքային ամբողջականությունն ու արժանապատվությունը»,- Tasnim-ը մեջբերում է Փեզեշքիանի խոսքը։
Հիշեցնենք` Պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեն սպանվել է Իրանի մայրաքաղաք Թեհրանում գտնվող իր նստավայրի վրա հարձակման արդյունքում։
