Ռուբինյանն անդրադարձել է Քըլըչի հետ հանդիպմանը
Հայաստանի և Թուրքիայի կարգավորման գործընթացի հատուկ ներկայացուցիչ Ռուբեն Ռուբինյանն անդրադարձել է Սերդար Քըլըչի հետ հանդիպմանը։
«Հայաստան-Թուրքիա սահմանին լավ հանդիպում ունեցա Սերդար Քըլըչի հետ։ Վերահաստատվեց նախկինում ձեռք բերված պայմանավորվածությունները և համաձայնեցվեց վստահության ամրապնդման նոր միջոցները, ներառյալ տեխնիկական պահանջների գնահատումը, որոնք թույլ կտան մեր երկրների միջև երկաթուղային կապի գործունեությունը»,- գրել է նա՝ «X»-ի իր միկրոբլոգում։
