Չեչնիան դեմ է կնոջ դեմքը ծածկող փարանջա կրելուն, բայց ոչ հիջաբին. Կադիրով
Չեչնիան դեմ է կնոջ դեմքը ծածկող փարանջա կրելուն, բայց ոչ հիջաբին։ Այս մասին հայտարարել է Ռամզան Կադիրովը, գրում է РБК-ն։
«Ով իմ աղջկան ասի՝ հանիր հիջաբը, ես նրան անմիջապես կսպանեմ, անմիջապես կկրակեմ, ով էլ որ լինի։ Նա թշնամի է, իմ անձնական թշնամին, իսլամի թշնամին»,- ասել է Քադիրովը:
Նրա խոսքով, Չեչնիա են գալիս տարբեր դավանանքի բազմաթիվ հյուրեր, սակայն հանրապետության ղեկավարությանը չի հետաքրքրում նրանց հագուստը, «մեզ մտահոգում է մեր բնակիչների հագուստը»։
Կադիրովն ավելի վաղ ասել էր, որ իր ընտանիքի բոլոր կանայք հիջաբ են կրում, որը իսլամում համարվում է բարեպաշտության և ազնվության խորհրդանիշ։
