ԱՄՆ-ը մեղադրել է ՌԴ-ին և Չինաստանին քարոզչության համար ամերիկացիներին հավաքագրելու մեջ
Ռուսաստանը, Չինաստանը և Իրանը հավաքագրում են ամերիկացիներին՝ ԱՄՆ նախագահական ընտրություններից առաջ իրենց շահերը խթանող քարոզչություն տարածելու համար, ասվում է ԱՄՆ Ազգային հետախուզության տնօրենի գրասենյակի «100 օր մինչև ընտրությունները» զեկույցում։
Գերատեսչությունն ընդգծել է, որ շարունակում է վերահսկել մի շարք օտարերկրյա կազմակերպություններ, որոնք «իրականացնում կամ ծրագրում են ազդեցության գործողություններ՝ ուղղված ԱՄՆ ընտրություններին»: Նման սուբյեկտների թվում առանձնացվում են Ռուսաստանը, Չինաստանը և Իրանը:
Հետախուզության պաշտոնյաները կարծում են, որ իրենց նպատակներին հասնելու համար այս պետությունները կամ նրանց ներկայացուցիչները դիմում են առևտրային ընկերություններին, ինչպիսիք են մարքեթինգի և հասարակայնության հետ կապերի ընկերություններին: Մոսկվան, ըստ ԱՄՆ Ազգային հետախուզության տնօրենի գրասենյակի, օգտագործում է նման ընկերություններ, ի թիվս այլ բաների, ներգրավելու ամերիկացիներին՝ հարմարեցնելու իր պատմվածքներն ու բովանդակությունը ամերիկյան լսարանի համար:
«Այդ անձինք (հավաքագրված ամերիկացիները) բովանդակություն են հրապարակում սոցիալական ցանցերում, գրում են տարբեր կայքերի համար, որոնք բացահայտ և գաղտնի կապեր ունեն Ռուսաստանի կառավարության հետ և իրականացնում են այլ լրատվամիջոցների գործունեություն», - ասել է հետախուզական գործակալությունը՝ Ռուսաստանին անվանելով «առաջնային սպառնալիք ԱՄՆ-ում ընտրությունների համար»:
