ՏԵՍԱՆՅՈՒԹ․ Ծառերը կփոխարինվեն շինարարի միջոցներով․ Քաղաքապետարանից՝ չորացած տույաների մասին
Սուրբ Գրիգոր Լուսավորիչ եկեղեցու հարակից այգու շինարարական աշխատանքները դեռ ավարտված չեն, Երևանի քաղաքապետարանը շինարարին տեղեկացրել է թերությունների մասին։ Այս մասին Ֆեյսբուքի իր էջում գրել է Երևանի ավագանու անդամ Միքայել Խաչատրյանը՝ տեղեկացնելով. «Ինչ վերաբերվում է այգու ծառերին, դրանք կփոխարինվեն շինարարի միջոցներով։ Երևանի քաղաքապետարանը աշխատանքը կընդունի և երևանցիներին կհանձնի շտկումները կատարելուց հետո»:
Հիշեցնենք՝ ավելի վաղ Երևանի ավագանու ընդդիմադիր անդամ Քրիստինե Վարդանյանը տեսանյութ էր հրապարակել և գրել․ «Երկու ամիս առաջ Երևանի քաղաքապետարանը մեծ շուքով բոլորիս նվիրեց այս բարեկարգված տարածքը։ Արտակարգ ստացվել է Տույաների հիշատակի պուրակը, շնորհակալ ենք։ Հաստատ, էն ժավելով բիձուկն է այրել արմատները, արագ փորձաքննություն արեք ու մամուլը ողողոեք, լավ ստացվում է։ Հավելեմ, մեկ տույան արժե 20000-40000 դրամ, ի դեպ, բացարձակ կարևոր չէ, ով է վճարել, գրագետ ընտրեիք սա չէիք ստանա, կրթվեք, ամոթ է»։
