Մեզ համար առայժմ ոչինչ չի փոխվում դեպի լավը․ ՌԴ նախագահի օգնական

ՌԴ նախագահի օգնական Նիկոլայ Պատրուշևը կարծում է, որ Ռուսաստանի նկատմամբ ամերիկյան քաղաքականությունը դեպի լավը չի փոխվի՝ անկախ նրանից, թե ով կհաղթի ԱՄՆ նախագահական ընտրություններում:

«Մեզ բոլորովին չի հետաքրքրում՝ Թրամփը, թե Քամալա Հարիսը, մեզ համար առայժմ ոչինչ չի փոխվում դեպի լավը», - կիրակի լրագրողներին ասել է Պատրուշեւը:

ԱՄՆ նախագահական ընտրությունները նշանակված են 2024 թվականի նոյեմբերի 5-ին։

ԱՄՆ դեմոկրատական կուսակցության ազգային կոմիտեն հայտարարել է, որ նախատեսում է թեկնածու առաջադրել մինչև օգոստոսի 7-ը: Հանրապետական կուսակցության թեկնածուն ԱՄՆ 45-րդ նախագահ Դոնալդ Թրամփն է։