ՏԵՍԱՆՅՈՒԹ․ ՌԴ-ում Սու-34 կործանիչ Է կործանվել

Ռուսաստանի օդատիեզերական ուժերի Սու-34 կործանիչը վթարի է ենթարկվել Վոլգոգրադի մարզում, անձնակազմը հասցրել է կատապուլտվել։ Այս մասին հայտնել է երկրի պաշտպանության նախարարությունը:

«Վոլգոգրադի մարզում պլանային ուսումնամարզական թռիչք իրականացնելիս Սու-34 ինքնաթիռ է կործանվել։ Անձնակազմը կատապուլտվել է, օդաչուների կյանքին վտանգ չի սպառնում», — ասվում է հայտարարության մեջ։

Նշվում է, որ կործանիչն ընկել է ամայի վայրում։ Թռիչքն իրականացվել է առանց զինամթերքի։ Ավերածություններ չկան:

Արտակարգ պատահարի նախնական պատճառը տեխնիկական անսարքությունն է, նշել են պաշտպանական գերատեսչությունում:

Այժմ տեղում աշխատում է Ռուսաստանի օդատիեզերական ուժերի հանձնաժողովը։