Մեզ հնարավոր չէ համոզել. Ուկրաինայի ԱԳ նախարար
Ուկրաինայի արտգործնախարար Դմիտրի Կուլեբան հայտարարել է, որ ոչ ոք չի կարող ճնշում գործադրել Ուկրաինայի վրա Ռուսաստանի հետ խաղաղ բանակցություններ վարելու հարցում:
«Ոչ ոք մեզ չի մղի բանակցությունների, քանի որ մեզ հնարավոր չէ համոզել։ Եվ մենք ինքներս ինչ-որ որոշումներ կկայացնենք», - ասել է Կուլեբան TCH հեռուստաալիքին տված հարցազրույցում՝ պատասխանելով հարցին, արդյոք ՉԺՀ-ի ԱԳ նախարար Վան Ին վոն է դրդել դրան անցած հանդիպման ժամանակ:
Նրա խոսքով՝ արևմտյան գործընկերները նույնպես չեն փորձում ճնշում գործադրել Ուկրաինայի վրա՝ չնայած սպառազինությունների մատակարարմանը և նրանց կողմից ֆինանսավորմանը: «Նրանք միշտ հստակ ասում են, որ Ուկրաինան ինքը որոշում կկայացնի, թե ում հետ, երբ եւ ինչ ձեւաչափով բանակցություններ վարի», - ասել է Կուլեբան:
Ավելի վաղ ԱԳ նախարարը «Ռադա» հեռուստաալիքի եթերում բացատրել էր, թե կոնկրետ ինչ է ասել իր չինացի գործընկերոջը ՌԴ-ի հետ բանակցությունների հնարավորության մասին: Նրա խոսքով՝ նա Վան Յիին ասել է, որ Ուկրաինան «բացարձակապես չի բացառում Ռուսաստանի հետ բանակցությունների անցկացումը», բայց «առայժմ դրա համար ոչ մի պայման չկա»:
