Ուկրաինան Ղրիմը վերադարձնելու իրատեսական ծրագիր ունի. ԶՈւ գլխավոր հրամանատար
Ուկրաինայի զինված ուժերի գլխավոր հրամանատար Ալեքսանդր Սիրսկին ասել է, որ Ուկրաինան ունի Ղրիմի վերադարձի ծրագիր, և դա իրագործելի առաքելություն է։ Այս մասին, Украинская правда–ի փոխանցմամբ, Ալեքսանդր Սիրսկին հայտնել է The Guardian-ին տված հարցազրույցում:
«Այն իրատեսական է: Դա, իհարկե, ռազմական գաղտնիք է։ Մենք ամեն ինչ անելու ենք, որպեսզի հասնենք 1991 թվականի միջազգայնորեն ճանաչված սահմաններին։ Մենք պետք է հաղթենք, որպեսզի ազատենք մեր քաղաքացիներին, ովքեր տառապում են օկուպացված տարածքներում»,- հայտարարել է գեներալը:
