![Իմ կալանքներն առոչինչ են, երբ այսօր մի ամբողջ ազգ է բանտարկված. Վահագն Չախալյանը ազատության մեջ է](https://auroranews.am/storage/img/base_image/2024-07-22/669e920a537d5.webp)
Իմ կալանքներն առոչինչ են, երբ այսօր մի ամբողջ ազգ է բանտարկված. Վահագն Չախալյանը ազատության մեջ է
![Իմ կալանքներն առոչինչ են, երբ այսօր մի ամբողջ ազգ է բանտարկված. Վահագն Չախալյանը ազատության մեջ է](https://auroranews.am/storage/img/base_image/2024-07-22/669e920a537d5.webp)
«Կամք» նախձեռնության ղեկավար Վահագն Չախալյանը ազատության մեջ է․
«Հենց այս պահին ավարտվեց երկամսյա տնային կալանքս, և ես ազատության մեջ եմ։
Քչերը գիտեն, որ սա իմ առաջին տնային կալանքը չէ։ 2000 ականներին՝ Ռոբերտ Քոչարյանի իշխանության տարիներին, էլի քաղաքական դրդապատճառներով պայմանավորված, ինձ տնային կալանքի է տարել Ազգային Անվտանգության Ծառայությունը, որն այդ տարիներին ղեկավարում էր Սերժ Սարգսյանը։
Բայց հիմա խոսքս անցածի մասին չէ, խոսքս ներկայի և ապագայի մասին է, առավել ևս, որ այն, ինչ մեզ չի սպանում դարձնում է ավելի ուժեղ։
Իմ կալանքներն առոչինչ են, երբ այսօր մի ամբողջ ազգ է բանտարկված՝ Հայաստանից ներս և Հայաստանից դուրս։
Նախ առաջին հերթին ազատություն եմ մաղթում մեր պայքարի ընկերներ Գերասիմ Վարդանյանին, Կարապետ Պողոսյանին և մնացած քաղհալածյալներին, քաղբանտարկյալներին և բաքվի բանտերում գտնվող Արցախի ռազմաքաղաքական իշխանություններին։
Երկրորդ հերթին ուզում եմ իմ խորին շնորհակալությունը հայտնել բոլոր նրանց, ովքեր հրապարակային և ոչ հրապարակային սատարեցին ինձ, մեզ, մեր պայքարին։
Հատուկ շնորհակալություն եմ ուզում հայտնել փաստաբաններիս՝ Վահան Հովհաննիսյանին և Ալեքսան Թումասյանին։
Ուզում եմ շատ մեծ շնորհակալություն հայտնել իմ մարտական, կուսակցական և պայքարի ընկերներին՝ դուք անկրկնելի եք և արժանի եք հաղթանակի և հզոր Հայաստանի։
Ուզում եմ շնորհակալություն հայտնել այն հայամետ լրագրողներին, ովքեր այս օրերին չթողեցին մեր հանդեպ տեղի ունեցած անարդարությունը մոռացության մատնվի։