Էնթոնի Բլինքենը փաստացի հնարավոր է համարել, որ Ռուսաստանին հարվածների տրամագիծը կփոխվի
ԱՄՆ պետքարտուղար Էնթոնի Բլինքենը պնդում է, որ Ուկրաինան կարող է արագ կատարել Հյուսիսատլանտյան պայմանագրի կազմակերպությանը (ՆԱՏՕ) միանալու պայմանները:
«ՆԱՏՕ-ին անդամակցելու ժամանակացույցը կախված է տարբեր պահանջների կատարումից։ Բայց ես համոզված եմ, որ մեր մշակածը կօգնի Ուկրաինային արագ հասնել դրան», - հայտարարել է Բլինկենը՝ Ասպենի ինստիտուտի անվտանգության հարցերով ամենամյա համաժողովում մեկնաբանելով դաշինքին Կիեւի միանալու հնարավոր ժամկետների հարցը։
Արտաքին քաղաքական գերատեսչության ղեկավարը նաեւ հաստատել է, որ Վաշինգտոնը կշարունակի Կիեւի հետ քննարկել ամերիկյան սպառազինությունների՝ Ռուսաստանի խորքը հարվածներ հասցնելու հետ կապված հարցերը եւ ճշգրտել իր դիրքորոշումն այդ հարցի շուրջ՝ կախված հանգամանքներից: «Մենք փոխեցինք մոտեցումը։ Մենք հարմարվել ենք։ Եվ ես վստահ եմ, որ մենք կշարունակենք այդպես վարվել», - ասել է Բլինքենը։ Նա փաստացի հնարավոր է համարել, որ նման հարվածների խորությունը կմեծացվի։
Ռուսաստանը կտրականապես դեմ է ՆԱՏՕ-ի հետագա ընդլայնմանը դեպի արևելք։ Հուլիսի 9-11-ը Վաշինգտոնում կայացած ՆԱՏՕ-ի գագաթնաժողովի ամփոփիչ փաստաթուղթում նշվում է, որ Ուկրաինան գտնվում է դաշինք մտնելու անշրջելի ուղու վրա:
