Ինչո՞ւ է թանկացել հեղուկ գազը
ՄՊՀ նախագահ Գեղամ Գևորգյանն անդրադարձել է հեղուկ գազի թանկացմանը՝ նշելով, որ դա հետևանք է շուկայում բորսայի գների բարձրացման։
«Աշխարհում ներկրվող ապրանքի գները բարձրացել են, այդ պատճառով նաև մեր ներքին շուկայում են գները բարձրացել։ Մեր վերջին՝ թարմացված տեղեկատվությամբ հեղուկ գազ ներմուծող ընկերությունների քանակը 98 է դարձել»,- ասել է Գևորգյանը և հավելել, որ որևէ մեկի ներկրման մասնաբաժինն ընդհանուրի 10%-ը չի գերազանցել։
«9-10 տնտեսվարող սուբյեկտների մասնաբաժինը 4-5% է, մյուսներինը՝ ավելի փոքր»,- նշել է նա։
Գևորգյանի խոսքով՝ տնտեսվարող սուբյեկտների քանակը շատ է, իսկ շուկան ցածր կենտրոնացվածություն ունի։
