ՏԵՍԱՆՅՈՒԹ. Փարիզի քաղաքապետն Օլիմպիական խաղերից առաջ ցուցադրաբար լողացել է Սենում

Փարիզի քաղաքապետ Անն Իդալգոն Օլիմպիական խաղերից առաջ ցուցադրաբար լողացել է Սեն գետում՝ ապացուցելու, որ ջուրը մաքուր է, հայտնում է ՌԻԱ Նովոստին:

Ավելի վաղ նույնն արել էր Ֆրանսիայի սպորտի նախարար Ամելի Օդեա Կաստերան՝ ցույց տալու, որ գետում մրցումներ անցկացնելն անվտանգ է:

Ֆրանսիայում մտահոգություններ կան, որ գետը լողալու համար անվտանգ չէ՝ այնտեղ թափված կոյուղաջրերի պատճառով:

Նշենք, որ Ֆրանսիայի նախագահ Էմանուել Մակրոնը ևս խոստացել էր լողալ Սենում: