![Մի շարք կուսակցություններ են տուգանվել․ հայտնի է պատճառը](https://auroranews.am/storage/img/base_image/2024-07-17/6697dd0159b52.webp)
Մի շարք կուսակցություններ են տուգանվել․ հայտնի է պատճառը
![Մի շարք կուսակցություններ են տուգանվել․ հայտնի է պատճառը](https://auroranews.am/storage/img/base_image/2024-07-17/6697dd0159b52.webp)
13 կուսակցության Կոռուպցիայի կանխարգելման հանձնաժողովը տուգանել է 40 հազար դրամի չափով։ Այս մասին հայտնում է հանձնաժողովի մամուլի ծառայությունը։
Ըստ հանձնաժողովի՝ կուսակցությունները ստացած եւ ծախսած միջոցների մասին 2023 թվականին տարեկան հաշվետվությունը օրենքով սահմանված կարգով եւ ժամկետում հանձնաժողով չեն ներկայացրել եւ հրապարակել։
Նրանց նկատմամբ կիրառվել է վարչական տույժ՝ 40 հազար դրամի չափով։
Այդ կուսակցություններն են՝ «Արդար Հայաստանը», «Բալասանյան դաշինքը», «Ազգային առաջընթացը», «Հայազնը», «Գործարարը», «Գոյամարտ համազգայինը», «Օրենքը եւ արդարությունը», «Միասնական հայրենիքը», «Քաղաքացու որոշում սոցիալ-դեմոկրատականը», «Հայկական երազանքը», «5165 ազգային պահպանողական շարժումը, «Ազգային համաձայնությունը» եւ «Միավորված աշխատանքայինը»։