Մակրոնն ընդունել է վարչապետ Գաբրիել Աթալի հրաժարականը
Ֆրանսիայի նախագահ Էմանուել Մակրոնն ընդունել է վարչապետ Գաբրիել Աթալի հրաժարականը, ով որոշել է պաշտոնից հեռանալ երկրում արտահերթ խորհրդարանական ընտրությունների երկրորդ փուլի արդյունքներով։ Ելիսեյան պալատի տվյալներով՝ Աթալը նախարարների կաբինետի հետ միասին կիրականացնի իր գործառույթները մինչեւ նոր կառավարության նշանակումը։
Ֆրանսիայում խորհրդարանական ընտրությունների արդյունքում հաղթել է ձախ կուսակցությունների կոալիցիան՝ Նոր ժողովրդական ճակատը։
Աթալը նշանակվել է վարչապետ 34 տարեկանում։ Այս նշանակումը գործչին դարձրել է հինգերորդ հանրապետության ամենաերիտասարդ վարչապետը և Եվրամիությունում կառավարության ամենաերիտասարդ ղեկավարը:
