Եթե նրանք ցանկանան ներխուժել, դա նրանց համար կդառնա անդառնալի դժոխք․ Իրանի ԱԳՆ
Իսրայելի հնարավոր ներխուժումը Լիբանան «անդառնալի դժոխք» կդառնա հրեական պետության համար։ Նման կարծիք է հայտնել Իրանի ԱԳ նախարարի պաշտոնակատար Ալի Բաղերի Քանին, որի խոսքերը մեջբերում Է ՏԱՍՍ-ը։
«Եթե նրանք ցանկանան ներխուժել Լիբանան, դա նրանց համար խորը ջրհոր կդառնա։ Լիբանանը սիոնիստների համար կդառնա անդառնալի դժոխք»,- ասել է նա։
Պատասխանելով Իսրայելի և Լիբանանի միջև հակամարտության հնարավոր սրման մասին հարցին՝ Իրանի ԱԳ նախարարի պաշտոնակատարը հիշեցրել է, թե ինչպես է վերջին 9 ամիսների ընթացքում իսրայելական բանակը պարտություն կրել Գազայի հատվածում տեղի ունեցած մարտերում:
Ալի Բաղերի Քանի կարծիքով՝ տարածաշրջանում ուժերի հավասարակշռությունը փոխվել է։ Դա տեղի է ունեցել Իսրայելի վրա ՀԱՄԱՍ-ի գրոհայինների հարձակումից և անկլավում իսրայելական գործողություն սկսելուց հետո։
Ընդ որում, Իսրայելի գործողությունները Իրանի ԱԳ նախարարի պաշտոնակատարն անվանել է նախկին իրավիճակին վերադառնալու փորձ, այդ թվում՝ ռազմական գործողությունների ընդլայնման ճանապարհով:
Քաղաքական գործիչը հավելել է, որ Իսրայելը կարող է միտումնավոր մուտք գործել Լիբանան, որից հետո ռազմական գործողություններն ընդլայնի նրա տարածք: Ալի Բաղերի Քանին ընդգծել է, որ նույնիսկ նման մեթոդներով հրեական պետությունը չի կարող իր կամքով վերջ դնել պատերազմին և տարածաշրջանում լարվածությանը:
Մինչ այդ հաղորդվել էր, որ Իսրայելի ռազմաօդային ուժերը հարվածներ են հասցրել Լիբանանի հարավում գտնվող շիական «Հըզբոլլահ» շարժման ռազմական օբյեկտներին:
