![Թալինի փոխքաղաքապետը՝ ծեծկռտուքի վերաբերյալ տարածվող լուրերի մասին](https://auroranews.am/storage/img/base_image/2024-07-15/6695033e47a12.webp)
Թալինի փոխքաղաքապետը՝ ծեծկռտուքի վերաբերյալ տարածվող լուրերի մասին
![Թալինի փոխքաղաքապետը՝ ծեծկռտուքի վերաբերյալ տարածվող լուրերի մասին](https://auroranews.am/storage/img/base_image/2024-07-15/6695033e47a12.webp)
Թալինի քաղաքապետի տեղակալ Գուրգեն Թադևոսյանը հաստատում է, որ իր և Արագածոտի մարզի բնակչի մասնակցությամբ միջադեպ է տեղի ունեցել, սակայն բանը ծեծկռտուքին չի հասել: NEWS.am-ի հետ զրույցում փոխքաղաքապետ Գուրգեն Թադևոսյանը պնդում է, որ ոստիկանություն դիմած 39-ամյա Գագիկ Մ.-ն հոգեկան առողջության հետ կապված խնդիրներ ունի:
«Զոհվածների հուշահամալիրի մոտ անպարկեշտ պահելաձև է դրսևորել իմ և վարչական ղեկավարի ներկայությամբ, իրեն խնդրել ենք տարածքից հեռանալ: Ինքը նեղված գնացել է վարչական ղեկավարի գրասենյակ, փորձել վիճել համայնքի աշխատակիցների հետ»,-պատմում է փոխքաղաքապետը: Նրա խոսքով, այդ խոսակցությունը տեղի է ունեցել բնակիչների ներկայությամբ, և տևել է ոչ ավելի քան երկու րոպե: «Ինքը հոգեկան առողջության հետ կապված խնդիրներ ունի, այդ մասին Արագածավանում բոլորը գիտեն: Իրեն խնդրել ենք մեքենան թողնել, որովհետև մեքենա վարելու իրավունք էլ չունի, ինքն էլ սկսեց ասել՝ դուք կտեսնեք, ոստիկանություն կդիմեմ»,- պատմում է Գուրգեն Թադևոսյանը:
Փոխքաղաքապետի խոսքով՝ համայնքապետարանի աշխատակիցները տեսաձայնգարել են միջադեպի ողջ ընթացքը:
shamshyan.com-ի տեղեկություններով, հուլիսի 12-ին՝ ժամը 11։10-ի սահմաններում ՀՀ Ներքին գործերի նախարարության ոստիկանության Թալինի բաժին է զանգահարել Արագածոտնի մարզի բնակիչ 39-ամյա Գագիկ Մ․-ն և հայտնել, որ Թալինի քաղաքապետի տեղակալ, Արագածոտնի մարզի բնակիչ 31-ամյա Գուրգեն Թադևոսյանը իրեն ծեծի է ենթարկել և կոտրել իր ավտոմեքենայի ապակին: