Կայա Կալասը հրաժարական է տվել․ հայտնի է պատճառը
Էստոնիայի վարչապետ Կայա Կալասը, որը պետք է զբաղեցնի ԵՄ արտաքին գործերի և անվտանգության քաղաքականության հարցերով Բարձր ներկայացուցչի պաշտոնը, երկուշաբթի՝ հուլիսի 15-ին, հրաժարականի դիմում է ներկայացրել նախագահ Ալար Կարիսին:
Երկուշաբթի օրը Կալլասի գլխավորած կառավարությունը հավաքվել էր արտահերթ նիստի, որի ժամանակ վարչապետը և ամբողջ կառավարությունը հրաժարական տվեցին:
Մինչև նոր կառավարության ստանձնումը Կալլասը կշարունակի կատարել վարչապետի պարտականությունները:
Նա հույս հայտնեց, որ նոր կառավարությունը բավականին արագ կձևավորվի։
Կայա Կալլասը Էստոնիայի վարչապետի պաշտոնը զբաղեցնում էր 2021 թվականի հունվարից։
Հիշեցնենք, որ հունիսի 29-ին կլիմայի նախարար Քրիսթեն Միխալին ընտրել են Էստոնիայի վարչապետի թեկնածու այն պատճառով, որ Կայա Կալլասը կդառնա ԵՄ արտաքին և անվտանգության քաղաքականության հարցերով բարձր ներկայացուցիչ և այդ պաշտոնում կփոխարինի Ժոզեպ Բորելին:
Ենթադրվում է, որ նոր կառավարությունը՝ Միխալի գլխավորությամբ, աշխատանքը կսկսի հուլիսի վերջին կամ օգոստոսի սկզբին։
