ՏԵՍԱՆՅՈՒԹ․ Սաստիկ սառնամանիքից հետո ողջ-ողջ սառած կենդանիների դիակներ են գտնում․ Արգենտինա

Արգենտինայում սաստիկ սառնամանիքներից հետո ողջ-ողջ սառած կենդանիների դիակներ են գտնում։ 

Երկրի Ազգային օդերևութաբանական ծառայությունը և այլ օդերևութաբանները հայտարարում են, որ հուլիսի երկրորդ շաբաթը կլինի տարվա ամենացուրտը։ Բացի այդ, մի քանի մարզերում օդերևութաբանական տագնապ կա ծայրահեղ ցրտերի պատճառով։

Ազգային օդերևութաբանական ծառայությունն ավելի վաղ Արգենտինայի տարբեր շրջաններում ծայրահեղ ցրտերի համար կարմիր տագնապ էր հայտարարել։

Պատմական ձմեռը ծայրահեղ ցրտերով ծածկեց Պատագոնիան, ջերմաստիճանը հասավ -25°C և առաջացրեց գետերի սառեցում Սանտա Կրուսի հարավում: Արգենտինացի զինվորականների մի խումբ ուղղաթիռով թռիչք է կատարել կրիտիկական գոտու ուղղությամբ՝ գնահատելու իրավիճակը, որը գնահատվել է որպես ամենադաժան ձմեռ 1907 թվականից ի վեր:

Օդից նկարահանված ցնցող պատկերները ցույց են տալիս ամայի լանդշաֆտ՝ ամբողջովին սառած գետերով և ձյան շերտով, որը ծածկում է ամեն ինչ իր ճանապարհին: Ցածր ջերմաստիճանը էական ազդեցություն է թողնում տարածաշրջանի բուսական և կենդանական աշխարհի վրա՝ պատճառ դառնալով կենդանիների մահվան:

Տարածքի բնակիչները մեկուսացված են ձյան առատ տեղումների պատճառով, որոնք փակել են ճանապարհները և դժվարացրել սննդի և վառելիքի հասանելիությունը ջեռուցման համար։ Իշխանությունները բնակչությանը խնդրում են ծայրահեղ նախազգուշական միջոցներ ձեռնարկել և խուսափել փողոց դուրս գալուց, եթե դա խիստ անհրաժեշտ չէ։